Route 44 klm 10

Fyrsta sinn sem ég veiði í þessum pollum sem eru með reglulegu millibili við þenna veg

Þeir eru grafnir til að taka mold og drullu í rigningum svo rörin undir veginn stíflist ekki hinum meginn er bara lítill lækur sem er ekki líklegur til að vera með mikið af fiski en nóg til samt

Einn af fyrstu fiskunum sem kom í kastnetið hjá mér var þessi plegga tegund. vel feitur og pattaralegur

Gymnogeophagus sp. high dorsal ungfiskur

Ungur Gymnogeophagus rhabdotus

þessar tetrur og eða ættingja raðaði ég á bakkan til að fá klassíska laxamynd en þessar voru bara 5-10 cm og fengu strax að synda í burtu

Einn lítill Hoplias sem verður monster með tímanum

Charax tegund, þær eru nokkrar í Úrúgvæ

Barracuda kominn á land. ótrúlegt að sjá alla þessa ránfiska og aðra saman í svona litlu vatnsmagni

Næsti pollur, þeir voru djúpir og sumstaðar náði maður ekki til botns með því að stinga veiðistönginni niður

Þegar kastneti er hennt í gruggugt vatn þá veit maður ekkert hverju maður á von á. hér fremst er Barracuda

Tetrur, margar hverjar verða stórar þótt flestar sem eru í búrum séu af minni tegundunum

Kattfiskur sem kom á stöngina. þessi tegund er frekar algeng

Charax tegund

þessi minnir mig alltaf á sae en er líklegast Apareiodon affinis

Blóðsuga er eitt af þeim kvikindum sem geta angrað mann þegar verið er að vaða í gróðri og drullu
þótt maður finni ekki fyrir þegar þær sjúga sig fastar þá bregður manni þegar þær koma í ljós

Þarna var einn kaninn kominn með 3 á löppina sem hann togaði af. ein enn hangandi á skónum.
það góða er að það stoppa strax að blæða, og hægt að fara aftur í vatnið fljótlega en blóðugur vill maður ekki vaða hvar sem er

Margar tegundir með þetta útlit og sumar þær stærri eru étnar af heimamönnum

Cichlasoma afbrigði sem var að veiðast í fyrsta sinn, ný tegund eða litarafbrigði af dimerus er ekki vitað

Tetra með stór augu sem nýtast örugglega vel til að forðast alla ránfiska sem er nóg af í öllum vatnakerfum

Ýmis kvikindi koma í háfinn þetta var um 7 cm

það gætu verið um 50 metrar á milli þessara polla og litlir lækir runnu í þá og úr en margar tegundir koma eflaust á staðinn í rigningum og flóðum og aðeins mismunandi hvaða tegundir voru á hverjum stað sem gerði þetta bara skemmtilegra

Crenicichla saxatilis hrygna í góðri stærð

Crenicichla saxatilis hængur sem ásamt hrygnunni fóru í búr hjá Felipe

Gymnogeophagus rhabdotus hængur sá stærsti sem kom í ferðinni

Hoplias vel tenntur ránfiskur, þrjár tegundir í Úrúgvæ en margar aðrar tegundir í suður-ameríku, kallast wolffish

Eftir að hafa fundið mikið af skeljum þá fattaði ég loksins að taka mynd af einni, nokkrar tegundir í vötnum og lækjum

kuðungur og vatnabjalla sem var greinilega á sterum því stærðin var hrikaleg

Gymnogeophagus rhabdotus hængurinn kominn í poka tilbúinn til flutnings

Nýja Cichlasoma kominn í poka þessir fóru til Usa en ég tók sjálfur nokkra með heim