Astronotus ocellatus

Astronotus ocellatus eða Óskar eins og hann er kallaður er  Síkliða sem kemur frá Suður-Ameríku, Hann verður um 30 cm og hentar því eingöngu
í stærri búr og þá með fiskum í svipaðri stærð

. Hann er forvitinn og hænist fljótt að þeim sem gefa honum mat og er þetta einn af þeim fiskum sem hafa mikinn karakter

nokkur litaafbrigði hafa verið ræktuð td. brons og  rauður en hér á myndinni er albino (sem reyndar kallast lutino vegna þess að í honum er að finna liti )

þessi er rauð gulur

Ef áhugi er á því að rækta Óskar þá er best að láta nokkra fiska saman og bíða þar til einhverjir parast. Það er erfitt að kyngreina þá og einnig er betra að þeir hæfustu parist því í hrygningar undirbúningnum reynir mikið á báða fiskana. Fiskarnir þurfa gott pláss og einhverjir felustaðir verða að vera ef annar fiskurinn (oftast hrygnan) er ekki tilbúinn til hrygningar. Til að koma þeim til er best að fóðra þá vel. Td rækjur, kramdir sníglar og fiskar

Hrognin eru oft á bilinu 200-500 og er oftast hrygnt ofan á stein en stundum grafa þau sig niður undir sandin niður á botn og hrygna þar. Nýlögð egg eru hvít á lit og virðast vera ónýt með fungus

Augun farin að sjást í hrognunum og nokkur egg með fungus. Fungus getur hæglega breiðst yfir öll eggin þannig að ekki er verra að setja funguslyf í vatnið til öryggis

Hér eru seiðin að vera búin með kviðpokann en úr honum fá þau næringu fyrstu dagana og þá er komið að því að fóðra þau og er Artemía í uppáhaldi.

Óhætt er að mæla með þessum fiskum en hafa ber í huga að þeir verða stórir og þurfa því stórt búr og ekki síst öflugan hreinsibúnað