Bella union Úrúgvæ

Þjóðgarður sem er með landamæri að
Úrúgvæ, Brasilíu og Argentínu


Frá þorpinu í Bella Union tekur nokkrar mínútur að komast á slóðann
sem liggur að stærri vötnunum sem má veiða í


Hér er bílnum lagt og bílstjórinn fer í það að gera matinn klárann


Árið á undan var hér allt á floti og eitt stórt vatn, en núna var hægt að vaða yfir þar sem vegurinn er


Í næstu vötnum er griðastaður fyrir cayman krókódíla svo við fáum ekki að veiða þar en þessi tvö vötn eru meira en nóg


Vegna þess að við vorum með plön að stoppa stutt við vötnin þá var ekki grillað eins og alltaf heldur var boðið upp á skrítnar brauðkökur sem voru fullar af skinku og osti og komu verulega á óvart


Eftir át og enn með brauð í hendi þá byrjaði ég að nota kastnetið á meðan hinir voru enn að borða, ein af fjölmörgum tegundum sem ég þekki ekki ennþá


Svipuð tegund en styttri og með doppur


Síðan kom ein rákótt


Maculatus pírana kom á land


Og tvær í næsta kasti


Loks kom ein sem ég hélt vera spilopleura en liturinn passaði ekki alveg, þetta reyndist vera Pygocentrus nattereri eða red belly pirana, suðræna formið af þessari tegund er með gulan maga


Í sumum köstum koma torfufiskar


Þessi tegund er ein sú viðkvæmasta sem kemur í netið og þar að hafa snöggar hendur svo hún lifi af veröldina, en hún glitrar skemmtilega og væri flott í búri en hún er of viðkvæm fyrir þá flutninga


Crenicichla scottii hængur, þessi tegund er frekar ákveðin og getur barið frá sér stærri fiska í búrum


Cichlasoma dimerus í furðulegum gráum lit


Loksins kom hrygna af Gymnogeophagus balzani í netið og komu
nokkrar í röð í nokkrum köstum, þar sem þessi vötn eru uppeldisstöðvar fyrir píranategundir og aðra ránfiska þá er algengt að uggar og sporður séu hálf étinn á fiskunum


Og stuttu seinna var kominn hængur Gymnogeophagus balzani
upp á land, einn af mínum uppáhalds fiskum frá Úrúgvæ


Loricara eða ættingi, það eru mjög margar tegundir sem líta flestar svipað út og þetta er heldur ekki mín sterkasta grein


Ungur Gymnogeophagus balzani


Hoplias ránfiskur sem einhver hefur verið búinn að narta í


Smáfiskur


Loricara eða ættingi


Hér er Ken félagi með tvær maculatus pírana í netinu að skoða hvort eitthvað annað sé í því, en það kostaði helling af götum í netið, það heyrist þegar tennurnar skella saman þegar þær eru á landi


Ungur Gymnogeophagus


Lítill kattfiskur


Einn af svokölluðum banjó kattfiskum


Loks kominn tími á að draga stóra netið og sjá hvað vatnið hefur að geyma


Sökum þess hversu leirkendur botninn var þá var minnsti og léttasti maðurinn sendur út með netið


Fyrsta holl gaf vel af smáfiski, þarna sjást hrygnur af Gymnogeophagus balzani og ein Crenicichla scottii, Loricara og eitthvað fleira


Þegar netið er dregið upp úr vatninu þá verðum við að vera snöggir að skoða og draga það út aftur því fiskarnir þola ekki að vera lengi í kremju og steikandi sól


Hér er charax tegund, vatnið var frekar brúnt og virðast fiskarnir oft vera litlausir við þær aðstæður


Stakur leporinus sem kom úr netinu


Hér er aftur búið að senda John á kaf og var mjög fyndið að sjá hann berjast við að halda hausnum upp úr vatninu þegar dýpið var orðið mikið, þar sem löppin er föst í neðri hluta netsins,


Netið er dregið inn eftir ákveðinni aðferð svo fiskarnir fari í pokann sem er aftast


Falleg hrygna af Crenicichla saxatilis


Hrygna af Gymnogeophagus balzani með fullan munn af seiðum og Gymnogeophagus ásamt smáfiski


Ég fékk bara eitt tækifæri til að taka mynd af hrygnuni með seiðin áður en henni var sleppt, hefði þurft meiri tíma en hrogna og seiðafullar hrygnur eiga að fara strax aftur í vatnið svo þær komi seiðunum upp og stofnarnir haldist stórir


Hoplias með kattfisk í skoltinum, ég var búinn að heyra sögur af því að þeir væru að éta á sig gat þegar þeir væru í netunum og sá að það var rétt


Corydoras, þetta afbrigði fær langan sporð og ugga með aldrinum


Lítill kattfiskur


Gymnogeophagus high dorsal


Cichlasoma dimerus í eðlilegum litum


Flott þessi tetra


Ein af þrem tegundum af barracuda sem þarna finnast


Magnaðar tennur á hraðsyndum fisk


Þessi tegund er sú litmesta


Ekki get ég munað hvað þeir kölluðu þessa en þeir eiga víst að vera ágætir til átu


Falleg pírana komin á land


Þarna ýti ég neðri vörinni frá til að sjá tennurnar sem píranan er svo fræg fyrir


Og sömu gæði undir efri vör, og síðan þegar ótrúlegur bitkraftur sem er á bak við þessar tennur er reiknaður með í dæmið þá er ekki skrítið að þær geti rifið fiska og kjöt í sundur með lítill fyrirhöfn


Crenicichla vittata sem ég tók í kastnet, frekar sjaldgæf og var aðeins ein önnur veidd í ferðinni


Bílinn sem tekur okkur í þessar ferðir, þarna er búið að taka út allan búnað og frauð kassa sem fiskarnir eru í, vanalega er þetta troðfullt


Góður eftirmiðdagur búinn á þessum frábæra stað sem er í norður hluta landsins svo að eftir þessa veiði voru nokkrir dagar eftir af ferðinni og endalaust af fiski og fjöri eftir

 

   
Copyright © 2004 TkO-grafik.is